Sagaleen dhageenyu
Kanneen alaaf keessaa
Asii fi achi dabsee
Qilleensatu baatee
Gurratti nu geessa
Kan gameessaati moo
Uumamatu fuudhee
Daa’imman fakkeessaa
Daa’ima yoo jennu
Dhiira yookiin dhalaa
Kan koo qofa miti
Kan nama hunda maraa
Qulqulluu uumamaa
Baay’adhaa dhaladhaa
Daa’imoota keenyaa
Yaa madda jaalalaa
Daba kan hin beekne
Hamaa kan hin yaadne
Taphaaf kolfa malee
Hin qabattu quuqqaa
Isa darbe kalee
Daa’imman qulqulluu
Nu isiniin bohaarra
Onneetu nu baree
Asiifi achi fiigdi
Kana kaasti sanas fuuti
Hubannoon ilaallaan
Daa’ima qabaachuun
Hundee gammachuuti
Barreessaan:-Barsiisaa Mirreessaa fi
Alamaayyoo Iddoosaa (Barrulee duraanii irraa)